رەسپۋبليكا سارايىندا 10 جەلتوقسان كۇنى الماتى قالاسى اكىمدىگىنىڭ باستاماسىمەن استانانىڭ قالىپتاسۋى مەن دامۋىنا ۇلەس قوسقان لاۋرەاتتاردى «استانا – ارداعىم مەرەكەلىك سىيلىعىمەن ماراپتتاۋ ءراسىمى وتەدى.
«استانا – ارداعىم» مەرەكەلىك سىيلىعىمەن الماتى قالاسىندا تۇرعان ءارى تۋىلعان جانە استانانىڭ قالىپتاسۋىنا ايتارلىقتاي ۇلەس قوسقان، پرەزيدەنتتىڭ استانانى كوشىرۋ تۋرالى شەشىمىنە بارىنشا قولداۋ كورسەتكەن قايراتكەرلەر ماراپاتتالادى.
الماتى قالاسىنىڭ مادەنيەت باسقارماسى حابارلاعانداي، «استانا – ارداعىم» سىيلىعى 20 كاتەگوريا بويىنشا بەرىلەدى، ولار - ءبىلىم مەن عىلىم، ساۋلەت پەن قۇرىلىس، دەنساۋلىق ساقتاۋ، سپورت، ونەر، كينەماتوگرافيا، جۋرناليستيكا جانە ادەبيەت سالالارى.
«بۇگىنگى كۇنى الماتى قارجى جانە ەكونوميكالىق ماگنيت رەتىندە ەلىمىزدىڭ ساياسي ورتالىعى – استانانى ۇيلەسىمدى تولىقتىرۋدا. حالىقارالىق تاجىريبە كورسەتكەندەي، كۇشتى ساياسي ورتالىق پەن ليبەرالدى قالانىڭ كەلىسىمى مەملەكەتتىڭ تۇراكقتى دامۋىنا ىقپال ەتەدى»، - دەپ اتاپ ءوتىلدى الماتى اكىمدىگىندە، سونىمەن قاتار مەملەكەت باسشىسىنىڭ «استانانىڭ تاعدىرى – ەكى عاسىردى ارتقا تاستاعان بارشا قازاقستاندىقتاردىڭ تاعدىرى. بۇل زاماناۋي مەملەكەتكە اينالعان، جاھاندىق قوعامداستىق تانىعان جانە قۇرمەتتەگەن، ۇلى جولدان وتكەن تاۋەلسىز قازاقستاننىڭ تاعدىرى» دەگەن سوزدەرى ەسكە ءتۇسىرىلدى.
نومينانتتاردى ىرىكتەۋ كونكۋرستىق كوميسسيانىڭ astana.ardaq.kz سايتىندا اشىق داۋىس بەرۋلەرى ارقىلى 9 جەلتوقساندا استانا ۋاقىتىمەن 00:00 ساعاتتا اياقتالادى.
ەسكە سالساق، كەلەر جىل قازاقستان استاناسى ءۇشىن مەرەيلى جىل. الماتىدا استانانىڭ 20 جىلدىعىن مەرەكەلەۋگە ارنالعان ءبىرقاتار اۋقىمدى مادەني شارالار-كونسەرتتەر، فەستيۆالدەر، كورمەلەر وتكىزۋ جوسپارلانعان.
